Մանուել Մանուկյանի նկատմամբ քրգործ է հարուցվել հավաքներ կազմակերպելու համար

«Քրեական գործ է հարուցվել, ինձ և Ռաֆայել Ավետիսյանին հրավիրել էին բաժին՝ հավաքներ կազմակերպելու համար, արդեն դուրս ենք եկել, ամեն ինչ կախված է քրեական գործի շրջանակներից»,- ԼՈՒՐԵՐ.com-ին հայտնեց «Ոչ վարկային թալանին» նախաձեռնության ղեկավար Մանուել Մանուկյանը:

Նշենք, որ Մանուկյանը բազմիցս մտահոգություն է հայտնել՝ մի՞թե այսպիսի Հայաստանի համար ենք պայքարել մենք. «Մեզ վախեցնել չի լինելու, մեզ լռեցնել չի լինելու, մեր հանդեպ ճնշումներ գործադրելը սրիկայություն է։ Ուժներդ միայն մեր վրա է պատում, կարող եք մեզ էլ դատել, բայց դրանից ժողովրդի վիճակը չի լավանալու, մարդկանց տները խլում են, ունեզրկում են»,- ֆեյսբուքյան իր էջում գրել էր Մանուել Մանուկյանը:

Հիշեցնենք, որ Մանուել Մանուկյանը և իր համախոհները վարկային կազմակերպությունների դեմ պայքար էին սկսել, և բողոքի ակցիաներ էին իրականացնում ՀՀ կենտրոնական բանկի մուտքի մոտ: Մանուկյանը նշել էր, որ Արտակարգ դրության ժամանակ բացահայտվել են բանկային համակարգի կեղտերը, և այն թիկունքից հարվածել է ժողովրդին: 

Արփինե Հակոբյան