Ռուս դերասան Միխայիլ Եֆրեմովը դատապարտվեց ութ տարվա ազատազրկման․ Ռիա Նովոստի (տեսանյութ)

Մոսկվայի Պրեսնենսկու դատարանը դերասան Միխայիլ Եֆրեմովին դատապարտեց 8 տարվա ազատազրկման տնդհանուր ռեժիմի գաղութում՝ նրա մասնակցությամբ ավտովթարում նրան մեղավոր ճանաչելով, գրում է Ռիա Նովոստին։ Նրա խափանման միջոցը դատարանի դահլիճում փոխվեց՝ դերասանը կալանավորվեց դատարանի դահլիճում։ Մինչ այդ նա գտնվում էր տնային կալանքի տակ: Դատախազի պահանջով՝ ազատ արձակվելուց հետո երեք տարի ժամկետով Եֆրեմովը զրկվեց իր վարորդական իրավունքներից: Ինչպես հայտնի է, ավտովթարը տեղի էր ունեցել հունիսի 8-ի երեկոյան՝ Մոսկվայի կենտրոնում: Հարբած վիճակում գտնվող դերասանը դուրս էր եկել բարից, նստել իր Jeep Grand Cherokee ավտոմեքենայի ղեկին, կորցրել կառավարումը և անցել հանդիպակաց գոտի, որտեղ բախվել էր Lada -ին: Վերջինիս վարորդը՝ առցանց խանութի առաքիչ Սերգեյ Զախարովը, հետագայում մահացել էր հիվանդանոցում: Դերասանն առանց հույզերի արձագանքեց դատավճռին՝ հայացքը խոնարհած: