ՆԱՏՕ-ի գլխավոր քարտուղարի twitter-յան գրառումները Ադրբեջան այցելելուց առաջ և հետո
Տարածաշրջան
ՆԱՏՕ-ի գլխավոր քարտուղարն այսօր Ադրբեջան այցելելուց առաջ և հետո գրառումներ է կատարել twitter միկրոբլոգի իր էջում:
«Իմ այցը կարճատև է լինելու: ՆԱՏՕ-ն և Ադրբեջանը վերջերս կարևոր քայլեր են ձեռնարկել ամրապնդելու իրենց գործընկերությունը», - նշել է Անդերս Ֆոգ Ռասմուսենը:
Անդրադառնալով երկկողմ հարաբերություններին՝ նա նշել է, որ «Ադրբեջանը կարևոր դաշնակից է, և ՆԱՏՕ-ն կշարունակի լինել կարևոր գործընկեր Ադրբեջանի համար: Ադրբեջանը ավելի ու ավելի է նվիրված Միջազգային անվտանգության աջակցության ուժերին (ISAF)»:
«ՆԱՏՕ-ն աջակցում է Ադրբեջանի պաշտպանական բարեփոխումներին: Մենք միացյալ ուժերով հեռացրել ենք կես միլիոն չհետազոտված ռազմական պաշարներ՝ ճանապարհ հարթելով դեպի ավելի լավ ապագա»:
Հիշեցնենք, որ երեկ ՆԱՏՕ-ի գլխավոր քարտուղար Ռասմուսենը Սերժ Սարգսյանի հետ հանդիպման ժամանակ հայտարարել էր, որ «չպետք է վերադարձ կատարվի հակամարտությանը, անհրաժեշտ է տարածել խաղաղություն և հաստատել համագործակցություն: Լեռնային Ղարաբաղի կոնֆլիկտի ռազմական լուծում չկա: Միակ ճանապարհը երկխոսության, փոխզիջման և համագործակցության միջոցով է»:
ՆԱՏՕ-ի գլխավոր քարտուղարը բնութագրեց իր՝ նախագահ Ալիևի հետ հանդիպումը «լավ, կառուցողական»: «Ադրբեջանի հետ հարաբերությունները զարգանում են արագ և հստակ»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
