ՆԱՏՕ-ն և ՌԴ ԱԳՆ-ի հայտարարությունը

Վրաստանի՝ ՆԱՏՕ-ին անդամակցելու մասին խոսակցություններն ակտիվացնում են վրացական կառավարության ռևանշային նկրտումները. գրում է ИТАР-ТАСС-ը։ Այդ մասին այսօր հայտնել է ՌԴ ԱԳՆ ներկայացուցիչ Ալեքսանդր Լուկաշևիչը՝ մեկնաբանելով սեպտեմբերի 6-ին Թիֆլիս կատարած այցի ընթացքում ՆԱՏՕ-ի գլխավոր քարտուղար Անդերս Ֆոգ Ռասմուսենի հայտարարությունն այն մասին, որ «Վրաստանի ապագա տունը ՆԱՏՕ-ն է»։

Դիվանագետի խոսքով՝ այդ արտահայտությունը որևէ նոր բան չի պարունակում՝ 2008 թվականին ՆԱՏՕ-ի Բուխարեստի գագաթաժողովին ընդունված և 2012 թվականին Չիկագոյի գագաթաժողովում հաստատված որոշման համեմատությամբ այն մասին, որ «Վրաստանը դառնալու է ՆԱՏՕ-ի անդամ»։

«Դրա հետ մեկտեղ նման արտահայտությունները ցույց են տալիս, որ ՆԱՏՕ-ն այդպես էլ դասեր չքաղեց 2008 թվականին Հարավային Կովկասում տեղի ունեցած ողբերգական իրադարձություններից և շարունակում է Վրաստանին քաջալերող ազդակներ ուղարկել»,-նշել է Լուկաշևիչը։
«Ռուսաստանի դիրքորոշումն այդ հարցում հայտնի է։ Վրաստանի՝ ՆԱՏՕ-ին անդամակցության մասին խոսակցությունները չեն ամրապնդում որևէ մեկի անվտանգությունը, քաջալերում են վրացական կառավարության ռևանշիստական նկրտումները՝ ուժեղացնելով տարածաշրջանում ստեղծված քաղաքական իրականությունը չընդունելու ցանկությունները»։