ՍԴ-ն ստացել է ՀՀ նախագահի դիմումը․ այն դեռ վարույթ չի ընդունվել
Իրավունք
Սահմանադրական դատարանը ստացել է ՀՀ նախագահի դիմումը, ՍԴ քարտուղարությունում այն մուտքագրվել է մարտի 10-ի ամսաթվով, այդ մասին ԼՈՒՐԵՐ․com-ին հայտնեցին ՍԴ մամուլի ծառայությունից։
«Սահմանադրական դատարանը 2021 թվականի մարտի 10-ին Հանրապետության նախագահից ստացել է դիմում «Զինվորական ծառայության և զինծառայողի կարգավիճակի մասին» ՀՀ օրենքի 40-րդ հոդվածի 3-րդ մասի` Սահմանադրության 133-րդ հոդվածի 1 –ին մասին, 57–րդ հոդվածի 2–րդ մասին, 79–րդ հոդվածին ու 155–րդ հոդվածի 3–րդ մասին համապատասխանության հարցը որոշելու վերաբերյալ։
Ներկայումս ստուգվում է դիմումի համապատասխանությունը «Սահմանադրական դատարանի մասին» սահմանադրական օրենքի 24-րդ և 25-րդ հոդվածներով նախատեսված պահանջներին։ Այս գործընթացի համար սահմանված է եռօրյա ժամկետ»,- հայտնեցին Սահմանադրական դատարանից։
Հիշեցնենք, որ ժամեր առաջ կառավարությունը հայտարարություն տարածեց, համաձայն որի՝ ՀՀ վարչապետի՝ ԶՈՒ ԳՇ պետին պաշտոնից ազատելու դիմումը ՀՀ նախագահի կողմից չստորագրվելու դեպքում այն իրավունքի ուժով մարտի 10-ից ուժի մեջ է մտնում։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
