«Աշխարհազորային կամավորների միության» անդամները ծաղիկներ խոնարհեցին Եռաբլուրում (տեսանյութ)
ՀասարակությունԵռաբլուրում «Աշխարհազորային կամավորների միության» անդամները ծաղիկներ խոնարհեցին հայրենիքի պաշտպանության համար զոհված հայորդիների շիրիմներին։
ԼՈՒՐԵՐ.com-ի հետ զրույցում «Աշխարհազորային կամավորների միություն» ՀԿ փոխնախագահ Հակոբ Տերտերյանն ասաց, որ այցելելու են նաև զոհված զինծառայողների հարազատներին, ուժերի ներածին չափով օգնելու են նրանց․ «Փորձելու ենք ամեն կերպ կանգնած լինել այն մարդկանց կողքին, ովքեր իրենց կյանքի գնով պաշտպանել են մեր հայրենիքը, պահել են մեր սահմանները և ապահովել են բոլորիս հանգիստ կյանքը»։
Թեև «Աշխարհազորային կամավորների միություն»-ը վերջերս է բացել իր դռները, սակայն փոխնախագահն ընդգծում է, որ կարճ ժամանակահատվածում բազմաթիվ պատանիներ և երիտասարդներ ցանկություն են հայտնել անդամագրվելու կազմակերպությանը։
«Խորին շնորհակալությունս եմ հայտնում Ուկրաինայի Զապորոժիե քաղաքի հայ համայնքի ղեկավար Արտաշես Սարգսյանին և բոլոր այն մարդկանց, ովքեր աջակցում են մեզ և կանգնած են մեր կողքին»,- ասաց Տերտերյանը։
Մանրամասները՝ տեսանյութում։
Արփինե Հակոբյան
ՈՒՂԻՂ ԵԹԵՐ
Ամենադիտված 
Թրամփը նշել է «աշխարհի մեծագույն առաջնորդներից» երկուսի անունները
