Կառավարությունից հրահանգել են տապալել ԵՊՀ խորհրդի վաղվա նիստը, որում պետք է ռեկտորի թեկնածու առաջադրվի. Mediaport
Հասարակություն
Կառավարությունից հրահանգել են տապալել ԵՊՀ խորհրդի վաղվա նիստը, որում պետք է ռեկտորի թեկնածու առաջադրվի: Այս մասին գրում Տելեգրամի Mediaport ալիքը:
«Mediaport-ի աղբյուրների փոխանցմամբ՝ ԵՊՀ խորհրդի իշխանական անդամներին Փաշինյանի անունից հրահանգվել է չմասնակցել նիստին:
Իշխանությունը նպատակ ունի պահպանել մայր բուհում տիրող ճգնաժամը՝ ԵՊՀ շենքի մասնավորեցումն առանց խոչընդոտների իրականացնելու համար:
Հիշեցնենք, որ Փաշինյանը օրերս խոսեց բուհերի շենքերը վաճառելու պլանի մասին, որի թիրախում ԵՊՀ-ն է: Մամուլը գրեց, որ գաղափարի հեղինակը Փաշինյանի մերձավոր օլիգարխ Խաչատուր Սուքիասյանն է, որը ցանկանում է հյուրանոց և բնակելի թաղամաս կառուցել բուհի տարածքում: Նախատեսված է, որ ԵՊՀ շենքի վաճառքից հետո պետությունը Սուքիասյանից վարձակալելու է շենք, մինչև այլ շենքային լուծումներ գտնելը: Այդ կերպ օլիգարխը և՛ դառնում է Երևանի սրտում ահռելի մակերեսով շենքի սեփականատեր, և՛ վարձակալության տալով այն պետությանը՝ միլիարդներ է ստանալու բյուջեից:
Նշենք, որ ԵՊՀ-ն արդեն 2.5 տարի է ռեկտոր չունի. Արամ Սիմոնյանին այդ պաշտոնից հեռացնելուց հետո, պաշտոնը շարունակում է թափուր մնալ»,- գրում է ալիքը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
