ՀՀ-ում մեկ օրում COVID-19-ից մահացել է 19 մարդ․ վարակի 1116 նոր դեպք է հաստատվել

Ապրիլի 1-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 194 852 դեպք, որոնցից 174 545-ն` առողջացած, 3552-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 15 851 պացիենտ: Ընդհանուր առմամբ կատարվել է 864 876 թեստավորում:

Այսպիսով` երեկ կատարվել է 4830 թեստավորում, որից հաստատվել է կորոնավիրուսային հիվանդության 1116 նոր դեպք: Ունենք 864 առողջացած և 19 մահվան դեպք:

Նախորդ օրն արձանագրվել է մահվան 4 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 904 է: