ՊՆ աշխատակիցները քնել են աթոռներին նստած․ ինչ է կատարվում ՊՆ-ի ներսում

ՊՆ աշխատակիցների մեծ մասը այս գիշեր տուն չի գնացել։ NEWS.am-ի տեղեկություններով՝ աշխատակիցներից շատ քիչ աշխատակիցների են կարողացել տարհանել ուղղաթիռով, միայն նրանց, ում խիստ անհրաժեշտ է եղել՝ հղիներ, առողջական խնդիրներ ունեցող մարդիկ։

Մյուսները գիշերել են իրենց աշխատասենյակներում, փորձել են քնել՝ իրենց աշխատանքային աթոռներին նստած։ Սննդի խնդիր, մեր տեղեկություններով, չկա։ Սնունդը ՊՆ շենք են տարել ուղղաթիռով, ճաշարանը գործում է։

NEWS.am-ի թղթակիցը ՊՆ շենքի դիմացից հաղորդում է, որ ուղղաթիռն այսօր էլ անընդհատ ելումուտ է անում ՊՆ շենքի տարածք։