Որոշ դատավորներով այս իշխանության «աչքի փուշն ենք» դարձել․ Ալեքսանդր Ազարյանը՝ ԲԴԽ նախագահի լիազորությունները կասեցնելու մասին
Իրավունք
Նորություն չէ, որ որոշ դատավորներով այս իշխանության «աչքի փուշն ենք» դարձել, բայց մենք չենք պատրաստվում նահանջել մեր՝ տարիներ առաջ դատավորներ նշանակվելիս տված երդումից։ Այս մասին ԼՈՒՐԵՐ․com-ի հետ զրույցում ասաց Վերաքննիչ քրեական դատարանի դատավոր Ալեքսանդր Ազարյանը՝ անդրադառնալով ԲԴԽ նախագահ Ռուբեն Վարդազարյանի դեմ հարուցված քրեական գործին և նրա լիազորությունների դադարեցմանը։
Նա նշեց՝ Վարդազարյանի դեմ հարուցված քրեական գործի մասին ոչինչ չի կարող ասել, քանի դեռ ծանոթ չէ մանրամասներին։ Վարդազարյանը դժվարացավ ասել նաև, թե ինչ նպատակ է հետապնդում և ինչ խնդիր է լուծում իշխանությունը Վարդազարյանի դեմ իրականացվող գործընթացներով։
Հարցին՝ արդյոք քաղաքական տարրեր նկատո՞ւմ է այս պահին կատարվող գործողություններում՝ Ազարյանը պատասխանեց․ «Թերևս ոչ ոքի համար գատնիք չէ, որ Վարդազարյանի նկատմամբ արշավ է սկսվել հայտնի հայտարարությունից հետո, բայց չգիտեմ, թե երեկվա որոշումը որքանով կապ ունի նրա դեմ սկսված արշավի հետ։ Գաղտնիք չէ նաև, որ ներկայիս իշխանությունը նախկինում էլ դատավորների նկատմամբ արշավ է իրականացրել»,- ասաց դատավորը։
Ազարյանի խոսքով՝ դեռևս հայտնի չէ, թե դատավորները ինչ քայլեր կձեռնարկեն ի պաշտանություն և հաջակցություն Վարդազարյանի։
Նկատենք, որ երեկ ԲԴԽ նախագահ Ռուբեն Վարդազարյանի լիազորությունների կասեցման համար 6 դեմ ձայնից 5-ն ապահովել են իշխող քաղաքական մեծամասնության կողմից ընտրված իրավաբան-գիտնականները (Գագիկ Ջհանգիրյան, Գրիգոր Բեքմեզյան, Լիպարիտ Մելիքջանյան, Վիգեն Քոչարյան, Դավիթ Խաչատուրյան)։ Իսկ որոշիչ մեկ ձայնն ապահովել է դատավոր Սերգեյ Չիչոյանը, որով պայմանավորված էլ կասեցվել են ԲԴԽ նախագահի լիազորությունները։ Այս հանգամանքը զարմանք է առաջացրել դատական համակարգում:
Սոնա Հարությունյան
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
