Հայաստանը կարող է ավելի շատ օգուտ քաղել, քան Ադրբեջանն ու Վրաստանը. ադրբեջանցի քաղաքագետ

Երեքշաբթի օրը՝ սեպտեմբերի 11-ին, Ադրբեջանի նախագահ Իլհամ Ալիևը Թուրքիայի վարչապետ Ռեջեփ Թայիփ Էրդողանի հետ հանդիպման ժամանակ հայտարարել էր, որ այդ 2 երկրների միջև հարաբերությունների զարգացումը կարևոր է ոչ միայն իրենց, այլև տարածաշրջանային կայունության պահպանման համար։ Այս մասին հայտնում է todayszaman–ը։

Ադրբեջանի դիվանագիտական ակադեմիայի քաղաքագետ Էլնուր Սոլտանովը նշել է, որ Թուրքիան հզոր պետություն է և ունի ամենազարգացած քաղաքական և տնտեսական ինստիտուտները տարածաշրջանում։ Ըստ Սոլտանովի՝ դրա շնորհիվ տարածաշրջանային խնդիրների կարգավորման հարցում Թուրքիայի ավելի մեծ ներգրավվածությունը չի կարող բացասական հետևանքներ ունենալ՝ չնայած որ Ադրբեջանի և Թուրքիայի միջև մտերմիկ հարաբերություններն ընկալվում են իբրև շրջափակում Հայաստանի նկատմամբ (ինչը փաստացիորեն հենց այդպես էլ կա- Lurer.com)։

«Հայաստանը սկզբնական շրջանում դա կարող է կորուստ համարել... Սակայն, վերջիվերջո, Հայաստանը կարող է ավելի շատ օգուտ քաղել Թուրքիայի՝ տարածաշրջանային ներգրավվածության ընդլայնումից, քան Ադրբեջանն ու Վրաստանը»,– հայտարարել է Սոլտանովը՝ Sunday’s Zaman–ի հետ զրույցում։