Ռուսաստանը փորձ է անում ազդեցություն ունենալ Վրաստանի ներքաղաքական իրավիճակի վրա. Վրաստանի ԱԳՆ
Տարածաշրջան
Ռուսաստանի հարավում մեկնարկում են «Կովկաս–2012» լայնամասշտաբ զորավարժությունները, որոնք, ինչպես նշում է BBC-ի ռուսական ծառայությունը, Վրաստանում և մի շարք արևմտյան երկրներում մտահոգությունների առիթ են դառնում։
Ընդհանուր առմամբ՝ զորավարժություններին կմասնակցի մոտ 8 հազար մարդ, ավելի քան 200 մարտական մեքենա, մոտ 100 հրետանային զինատեսակ, ինչպես նաև՝ 10 մարտական նավ և մոտորանավ։
Զորավարժությունները կիրականացվեն երկու փուլով։ Առաջին փուլը տեղի կունենա Կրասնոդարում։ Զորավարժությունների բացման արարողությանը սպասվում է նաև Ռուսաստանի նախագահ Վլադիմիր Պուտինի այցը։
Չնայած այն հանգամանքին, որ այդ զորավարժություններն անց են կացվում Ռուսաստանի տարածքում, Վրաստանի իշխանություններն ավելի վաղ հայտարարել էին, որ Մոսկվայի գործողությունները սպառնում են կովկասյան երկրների կայունությանն ու անվտանգությանը։ Ըստ Վրաստանի արտաքին գերատեսչության ղեկավար Գրիգոլ Վաշաձեի՝ Ռուսաստանը հույս ունի զորավարժությունների հաշվին ճնշում գործադրել Վրաստանի ներքաղաքական իրավիճակի վրա հոկտեմբերի 1-ին կայանալիք խորհրադարանական ընտրությունների նախաշեմին:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
