Գյումրիի տներից մեկում հայտնաբերվել է «կրիստալ» ու մարիխուանա տեսակի թմրանյութ
ԻրավունքՈստիկանության Գյումրի քաղաքի Մուշի բաժնի ծառայողները ստացել էին օպերատիվ տվյալ, որ մայրաքաղաքում հաշվառված, բայց Գյումրիում բնակվող 49-ամյա մի տղամարդ բնակության վայրում կամ հարակից օժանդակ կառույցներում ապօրինի պահում է թմրամիջոց: Տեղեկությունն ուսումնասիրվեց, ձեռք բերվեցին փաստական տվյալներ, և մայիսի 21-ին հարուցվեց քրեական գործ:
Մայիսի 23-ին, դատարանի որոշմամբ, խուզարկություն կատարվեց 49-ամյա տղամարդու տանը։ Երկրորդ հարկի ննջասենյակի պահարանի դարակից հայտնաբերվեց ներարկիչ, որի մեջ կար դեղնավուն հեղուկ։ Տղամարդը հայտնեց, որ այն «կրիստալ» տեսակի թմրամիջոց է, իրենն է՝ անձնական օգտագործման համար։ Առանձնատան բակից էլ հայտնաբերվեց և առգրավվեց մշակված կանեփի 20 ցողուն։ Սրանք էլ, ըստ տղամարդու, աճեցրել էր դարձյալ անձնական օգտագործման համար:
Հայտնաբերվածները փաթեթավորվել և առգրավվել են, նշանակվել է դատաքիմիական փորձաքննություն:
Հանգամանքները պարզվում են:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
