Հայկ Սարգսյանն այսօր բացատրություն է տվել Ոստիկանության Կենտրոնի քննչական բաժանմունքում

ԱԺ «Իմ քայլը» խմբակցության պատգամավոր Հայկ Սարգսյանն այսօր գնացել է Ոստիկանության Կենտրոնի քննչական բաժանմունք և բացատրություն տվել։ Այս մասին իր ֆեյսբուքյան էջում հայտնում է լրագրող Անուշ Դաշտենցը։

Նա, մասնավորապես, նշել է․

«Պնդել եմ, որ Հայկ Սարգսյանը խոչընդոտել է իմ լրագրողական մասնագիտական օրինական գործունեությանը և որ հնարավոր է՝ հիմնավոր կասկածներ ունենալու դեպքում, բողոքներ ունենամ նաև անձնական տվյալներիս գաղտնիության հետ կապված, քանի որ նա դրանց տիրապետելու հնարավորություն է ունեցել՝ մուտք գործելով իմ հեռախոս և ջնջելով տեսանյութը։ Դիմել եմ նաև ՀՀ ՄԻՊ-ին։ Առայժմ՝ այսքանը»,-գրել է Դաշտենցը։

Հիշեցնենք, որ օրերս Հայկ Սարգսյանը փողոցում հափշտակել էր իրեն հարցեր ուղղած ԱՆուշ Դաշտենցի հեռախոսն ու հեռացել։ Ավելի ուշ օգնականի միջոցով հեռախոսը վերադարձվել էր, սակայն լրագրողի նկարահանած տեսանյութը ջնջված է եղել։