«Նիկո՛լ, դավաճան». 3 քաղաքացի բերման է ենթարկվել ոստիկանություն

Այսօր Արմավիրի մարզում վարչապետի պաշտոնակատար, «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանի նախընտրական քարոզարշավի ժամանակ 3 քաղաքացի է բերման ենթարկվել։ Այս մասին ԼՈՒՐԵՐ․com-ին հայտնեցին ՀՀ ոստիկանության հասարակայնության հետ կապերի և լրատվության վարչությունից։

«Մեկ քաղաքացի բերման է ենթարկվել՝ ՀՀ քրեական օրենսգրքի 149.1֊րդ հոդվածով նախատեսված արարք կատարելու՝ նախընտրական քարոզչությանը խոչընդոտելու կասկածանքով։ Վերջինս բերման ենթարկվելուց հետո փոխանցվել է ՀՀ ՔԿ-ին:

Բացի այդ՝ ևս 2 քաղաքացի բերման է ենթարկվել ոստիկանություն՝ Վարչական իրավախախտումների վերաբերյալ օրենսգրքի 182֊րդ հոդվածի՝ ոստիկանության ծառայողների օրինական պահանջը չկատարելու համար»,- ասացին ոստիկանությունից։

Նշենք, որ այսօր ԶԼՄ–ներում տեսանյութ տարածվեց, որտեղ երևում էր, որ Արմավիրում նախընտրական քարոզարշավի ժամանակ որոշ քաղաքացիներ գոչում են. «Նիկոլ, դավաճան»։