ՌԴ ԱԳՆ. Վրաստանի արտգործնախարարի հայտարարությունը հիվանդ մտածելակերպի արդյունք է
Տարածաշրջան
Ռուսաստանի արտգործնախարարության պաշտոնական ներկայացուցիչ Ալեքսանդր Լուկաշևիչն այսօր տեղի ունեցած ճեպազրույցի ժամանակ հայտարարել է, որ Ռուսաստանի հարավում անցկացվող «Կովկաս-2012» զորավարժությունները չեն սպառնում Հարավային Կովկասի երկրների անվտանգությանը, հայտնում է ադրբեջանական APA լրատվական գործակալությունը։
«Զորավարժություններն ուղղված չեն որևէ երկրի դեմ»,- նշել է Լուկաշևիչը՝ ավելացնելով, որ դրանք ավանդաբար անցկացվում են ռուսական զինված ուժերի մարտունակության ստուգման նպատակով: «Վրաստանի արտգործնախարարի հայտարարությունը, որ այդ զորավարժությունները սպառնում են Ադրբեջանի անվտանգությանը, հիվանդ մտածելակերպի արդյունք է, քանի որ Ռուսաստանն ու Ադրբեջանը սերտորեն կապված են միմյանց», - հավելել է նա:
Հիշեցնենք, որ Վրաստանի արտգործնախարար Գրիգոլ Վաշաձեն օրեր առաջ հայտարարել էր, թե ռուսական «Կովկաս-2012» զորավարժությունները սպառնում են ոչ միայն Վրաստանի, այլև՝ ողջ տարածաշրջանի անվտանգությանը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
