Ստանդարտներն օգնում են ձևավորել վստահությունն աշխարհում

Այսօր «Ուրբաթ» ակումբի հյուրն էր ՀՀ ստանդարտների ազգային ինստիտուտի տնօրեն Ենոք Ազարյանը:  Ասուլիսը նվիրված էր Ստանդարտների միջազգային օրվան:

«Այսօր գիտատեխնիկական ամբողջ աշխարհը նշում է ստանդարտացման օրը: Հայաստանը ԱՊՀ միակ երկիրն է, որ  ISO-ի մարմնում է: Ամեն տարի միջազգային կազմակերպությունը զբաղվում է նախագծերի շրջանառությամբ, դիտողություններ են արվում ու վերջնական տեքստը դրվում է ISO ստանդարտի ստացման քննարկմանը»:

Բանախոսի մեկնաբանությամբ, անցած տարի ստանդարտների օրը նվիրված էր հաշմանդամի սայլակներիին: Ինֆորմացիա ստանալու համար, օրինակ, մենք պետք է վստահ լինենք, որ տեխնոլոգիաները ստացել են Ստանդարտ:

«Չկա մի բնագավառ, որը չհաստատվի ստանդարտներով, օրինակ՝  ջրի ստանդարտները: Տվյալ երկրում որևէ օգտագործման ու սպառման ենթակա արժեք, պետք է ստանա ստանդարտ»,-ասում է Ենոք Ազարյանը:

«Մենք ունենք այնպիսի մասնագետներ, որոնք զբաղվում են ստանդարտացմանը, ներգրավվում են նաև շահագրգիռ անձիք: Ամեն երկիր հայտնում  է անդամ լինելու ցանկություն, դառնում է որևէ ստանդարտի հեղինակ, բայց երբեմն իրենց իսկ ստանդարտը  իրականացնել նրանց չի հաջողվում: Ամեն բնագավառում կարող են աշխատել տարբեր խմբեր»,-բացատրում է Ազարյանը:

Այս տարի արդեն 42-րդ անգամ նշվող այս օրը ունի հետևյալ կարգախոսը. «Ստանդարտներն օգնում են ձևավորել վստահությունն աշխարհում»: