Der Standard. Իրան. նախագահի աթոռը ճոճվում է

Իրանի մայրաքաղաք Թեհրանում ցուցարարները փողոց են դուրս եկել՝ բողոքելով երկրի տնեսական քաղաքականության և սիրիա-իրանական դաշինքի դեմ. գրում է ավստրիական թերթը:

«Ես կարող եմ խոստանալ ձեզ, որ ձեզ հանգստացնելու և իրավիճակը կարգավորելու համար ես պատրաստ եմ հեռանալ պաշտոնից»,-հայտարարել է Մահմուդ Ահմադինեջադը այս երեքշաբթի`ԱՄՆ-ից վերադառնալուց հետո ունեցած իր առաջին մամուլի ասուլիսի ժամանակ պատասխանելով Իրանում արտարժույթի տատանումների շուրջ լրագրողների քննադատական հարցերին: Նախագահի խոսքերով`ռիալի արժեքն ընկել է ոչ թե Իրանի հանդեպ կիրառված բանաձևերի պատճառով, «այլ արժեշուկայի մաֆիայի կազմակերպած հարձակումների հետևանքով, որի դեմ անհրաժեշտ է պայքարել»,-պարզաբանում է նախագահը:

Ահմադինեջադի հայտարարությունը հաջորդ օրը քննադատության ենթարկվեց լրագրողների կողմից և արագացրեց իրանական ռիալի արժույթի անկումը, ինչն առաջին հերթին անդրադարձավ առևտրական զանգվածների և միջին խավի վրա: Դա հանգեցրեց նրան, որ չորեքշաբթի օրը հազարավոր մարդիկ բողոքի դուրս եկան Թեհրանի հարավային հատվածի շուկաներում և փողոցներում:

Թեհրանում խաղաղության երկարատև շրջանից հետո Իրանում նորից իշխում է ձերբակալությունների և արտակարգ իրավիճակների նոր ալիքը. գրում է թերթը:

Ցուցարարները, սակայն, միայն ներքին քաղաքականության դեմ չէ, որ բողոքում էին ցույցերի ժամանակ: Նրանք հետամուտ են լինում, որ կառավարությունը դադարեցնի համագործակցությունը Սիրիայի ռեժիմի հետ: «Կառավարությունը ոչ կոմպետենտ է իր քաղաքացիների նկատմամբ: Մտածի՛ր մեր մասին և հանգի՛ստ թող Սիրիան», վանկարկում են ցուցարարները փողոցներում. հաղորդում է Standard-ը:

Հինգշաբթի օրը իրանական ԶԼՄ-ները հայտարարություն արեցին, որում տիրող իրավիճակի պատասխանատվությունը դրվեց Իրանի Իսլամական Հանրապետության թշնամիների վրա: