Թեհրանում ոստիկանությունը ձերբակալել է 16 ցուցարարի
Տարածաշրջան
Իրանի ոստիկանությունը ձերբակալել է 16 ցուցարարների, որոնք չորեքշաբթի բողոքի ցույց էին կազմակերպել Թեհրանում: Ինչպես այսօր հաղորդում է «Ֆարս» տեղեկատվական գործակալությունը, ձերբակալվածներին մեղադրանք է ներկայացվում «արժեթղթային գործողություններ իրականացնելու կարգի խախտման» մեջ:
Հուզումների ալիքը բռնկվել էր այս օրերին արժութային շուկայում ազգային արժույթի՝ ռիալի արժեքի կտրուկ անկման պատճառով: Եթե մեկ շաբաթ առաջ 1 դոլարը արժեր 24 հազար ռիալ, ապա այս չորեքշաբթի այն կտրուկ աճել է մինչև 40 հազար ռիալի:
Ցուցարարներն անվադողեր և աղբամաններ են այրել Թեհրանի փողոցներում և հակակառավարական կոչեր վանկարկել: Իրավապահ մարմինները ցուցարարներին ցրելու համար ստիպված են եղել արցունքաբեր գազ և ռետինե փամփուշտներ կիրառել:
Բախումներից հետո մայրաքաղաքի կենտրոնական առևտրական հատվածներում կարգուկանոնը վերականգնվել է:
Միաժամանակ իշխանությունները շտապ քայլեր են ձեռնարկել սոցիալական լարվածությունը թուլացնելու նպատակով: Անցյալ չորեքշաբթի և հինգշաբթի նախարարների խորհուրդը քննարկել է երկրի տնտեսական քաղաքականության ուղղվածությունը. հայտնում է ИТАР-ТАСС-ը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
