Վրացական գինին դժվար թե վերադառնա ռուսական շուկա

Չնայած Վրաստանում տեղի ունեցած վերջին քաղաքական փոփոխություններին՝ վրացական գինին մոտակա ժամանակներս դժվար թե վերադառնա ռուսաստանյան շուկա: «Դրա համար մենք դեռևս ոչ մի հիմք չունենք»,-հայտարարել է Ռուսաստանի սպառողական վերահսկողության ղեկավար Գեննադի Օնիշենկոն Интерфакс-ին տված իր հարցազրույցի ժամանակ:

Դրա հետ մեկտեղ, նրա խոսքերով, բիզնեսի ոլորտում այդ երկրների միջև համագործակցությունը շարունակվելու է: Ի ապացույց դրան՝ այսօր Օնիշենկոն Մոսկվայում հանդիպելու է վրաց գինեգործների հետ: Ավելի վաղ նա հայտարարել էր, որ ռուսական շուկա վրացական գինու և հանքային ջրի վերադարձին խոչընդոտում է պաշտոնական Թբիլիսիի դիրքորոշումը:

Երկուշաբթի Վրաստանում հայտարարվելու է նոր կառավարության կազմը: Այդ մասին հայտարարել է հաղթանակ տարած «Վրացական երազանք» կոալիցիան: