Վրաստանն ուղենիշ է Հայաստանի և Ադրբեջանի համար

Անցյալ անգամ վրացիներն արեցին դա հեղափոխության միջոցով: Այս անգամ քաղաքական փոփոխությունը կատարվեց ընտրություններով։
Վրաստանի նախագահ Միխայիլ Սաակաշվիլիի հայտարարությունը խորհրդարանական ընտրություններում պարտության մասին տալիս է այդ երկրի երկու հարևաններին՝ Հայաստանին և Ադրբեջանին, թարմ պատճառ ուշադրություն դարձնելու Վրաստանին. նշում է Eurasia.net կայքը:

Ընդդիմադիր ուժերը երկու երկրներում էլ, պարզվում է, ընտրությունների արդյունքը համարում են քաղաքական փոփոխության մի մոդել, նույնիսկ եթե իրենց հարգարժան կառավարությունները պնդում են, որ քաղաքական փոփոխության անհրաժեշտությունը նվազագույն է:
«Շատերն այստեղ՝ Ազգային ժողովի դահլիճում, ծաղրում են Սաակաշվիլիին իր փողկապն ուտելու համար, բայց նա ստեղծել է մի երկիր, որտեղ ընդդիմությունը կարող է հաղթել»,-նշել է ՀՀ ընդդիմադիր կուսակցության՝ «Հայ հեղափոխական դաշնակցություն» կուսակցության անդամ Վահան Հովհանիսյանը:

Ադրբեջանի ընդդիմության առաջնորդները համաձայն են. «Այս ընտրությունները կարևոր իրադարձություն են ոչ միայն Վրաստանի համար, այլև՝ ողջ Հարավային Կովկասի և նույնիսկ հետխորհրդային տարածաշրջանի: Դա առաջին անգամն է մեր տարածաշրջանում, երբ ընդդիմությունը պաշտոնապես հաղթանակ է արձանագրում ընտրություններում, և կառավարությունն ընդունում է դա», - ասել է Իսա Գամբարը՝ Ադրբեջանի «Մուսավաթ» կուսակցության ղեկավարը:

«Դա ընդունելու հանգամանքը Վրաստանի նախագահի քաղաքական կարիերայում ամենամեծ հաղթանակն է», - համաձայնեց Ալի Քերիմլին՝ Ադրբեջանի «Ժողովրադական Ճակատ» կուսակցության ղեկավարը:

Մինչև այսօր Ադրբեջանի և Հայաստանի կառավարություններն ավելի քան զգուշավոր են եղել Վրաստանում անցկացված ընտրությունները մեկնաբանելիս: Ո՛չ Ադրբեջանի նախագահ Ալիևը, ո՛չ էլ Հայաստանի նախագահ Սարգսյանը, չեն շնորհավորել «Վրաստանի երազանքին» հաղթանակի առթիվ: