Իրանական ԶԼՄ-ներն անդրադարձել են Ռուսաստան-Իրաք հարաբերություններին

Իրանական ԶԼՄ-ները հոկտեմբերի 11-ին անդրադարձել են Ռուսաստանի հետ Իրաքի հարաբերությունների վերլուծությանը: «Խորասանը» հաղորդում է ՌԴ վարչապետ Մեդվեդևի և նրա իրաքյան գործընկեր Նուրի ալ Մալեքիի միջև ստորագրված համաձայնության մասին, ըստ որի՝ Իրաքին մատակարարվելու է 30 ռազմական ուղղաթիռ, 43 երկիր-օդ հրթիռային համալիր, ընդհանուր գումարով՝ 4.2 մլդ դոլար արժողությամբ: Բանակցությունները դեռ չեն ավարտվել, և հնարավոր են նոր պայմանավորվածություններ, մասնավորապես կործանիչների գնման հարցում: Թերթը նաև նշում է, որ դեռևս խորհրդային տարիներին Մոսկվան հանդիսանում էր Իրաքին ամենամեծ քանակով զենք մատակարարողը:

«Խեյհան» թերթը կարծում է, որ Ռուսաստանը ձգտում է հասցնել Իրաքի հետ իր հարաբերություններն այն մակարդակին, որոնք կային նախքան 2003թ. ԱՄՆ-ի Իրաք ներխուժելը: Թերթը նշում է նաև, որ Մոսկվան Վաշինգտոնից հետո երկրորդ տեղում է Իրաքին վաճառված զենքի քանակով:

«Թեհրան Էմրուզ»-ը կարծում է, որ Մոսկվան պետք է Իրաքին՝ ապացուցելու համար ԱՄՆ-ին իր քաղաքական անկախությունը, ինչպես նաև Վաշինգտոնի վրա ճնշում գործադրելու համար՝ արագացնելու զենքի մատակարարումը: 

Հիշեցնենք, որ Hurriyet-ի փոխանցմամբ՝ դեռևս  օգոստոս ամսին  Իրաքը զենքի գնման պայմանագիր է ստորագել Ռուսաստանի հետ, այդ  գործարքի արժեքը կազմում է մոտ 4.2 մլրդ դոլար։