Ահաբեկչության հետևանքով զոհված հայ երիտասարդի մարմինը դեռևս Ռոստովում է

Մախաչկալայում ս/թ սեպտեմբերի 22-ին տեղի ունեցած ահաբեկչության հետևանքով զոհվել էր գյումրեցի քսանչորսամյա Կարեն Ասատրյանը, ով այդ օրն էլ սովորականի նման դուրս էր եկել աշխատանքի։ Նրա տաքսին նստած երեք ուղևորներից մեկի մոտ եղել էր պայթուցիկ սարք, որը հենց մեքենայի մեջ գործարկվել էր։

Ահաբեկչությունից անցել է քսաներկու օր, սակայն նրա մարմինը դեռևս չի հանձնվել հարազատներին։

Դեռևս սեպտեմբերին Մախաչկալայի հայերի կողմից «Շիրակ կենտրոն» ՀԿ-ն ստացել էր բաց նամակ, որում նրանք տեղեկացնում էին, որ ահաբեկչությանը զոհ գնացած հայ երիտասարդի մարմինը գտնվում է դիահերձարանում, և մեծ գումար են պահանջում այն հարազատներին վերադարձնելու համար։

Մախաչկալայի հայերը կոչ էին անում սրտացավ մարդկանց օգնության ձեռք մեկնելու Կարենի ընտանիքին։

Դեպքից երեք օր անց ահաբեկչության արդյունքում զոհվածների մարմինները տեղափոխվել էին Ռոստով՝ անձի հաստատման համար ԴՆԹ փորձաքննություն անցկացնելու նպատակով։ Կարենի մարմինը դեռևս չի հանձնվել Ռոստովում գտնվող հարազատներին։ Ռոստովում հետազոտությունն արդեն իսկ ավարտված է, սակայն դեռևս սպասում են Մախաչկայալում աշխատող հանձնաժողովի եզրակացությաննն ու թույլտվությանը։

Կարենի ընտանիքը նյութական ծանր կացության մեջ է։ Որդու զոհվելու լուրն իմանալուց հետո մայրը հոգեկան և առողջական ծանր վիճակում է։ Ընտանիքին մինչ օրս ոչ միայն որևէ զգալի աջակցություն չի ցուցաբերվել, ալյև չեն եղել ուշադրության դրսևորումներ նույնիսկ մարզային և տեղական իշխանություններիի կողմից։

Դեպքից մի քանի օր անց ՌԴ-ում ՀՀ դեսպանատան մամուլի քարտուղար Էդուարդ Ջամբազյանը հայտարարել էր, որԴՌ-ում ՀՀ դեսպանատունն ու Դոնի Ռոստովում ՀՀ հյուպատոսությունը պատրաստ են ամեն կերպ աջակցություն ցուցաբերել զոհվածի մարմինը հայրենիք տեղափոխելու համար, սակայն Շիրակ կենտրոնի ունեցած տեղեկությունների համաձայն՝ նրանց կողմից ևս որևէ շոշափելի օգնություն չի եղել։ Կարենի հարազատներին հայտնի չէ նաև, թե արդյոք ՌԴ իշխանությունների կողմից որևէ փոխհատուցում տրվելո՞ւ է իրենց ընտանիքին։

Շիրակ կենտրոնի տեսանյութը՝