Ադրբեջանը պատրաստ չէ Հայաստանի դեմ պատերազմի. Իրանցի փորձագետ
Տարածաշրջան
Ադրբեջանի ղեկավարությունը ներկա պահին պատրաստ չի նոր պատերազմ սկսել Լեռնային Ղարաբաղի հակամարտության գոտում: Այդ մասին REGNUM տեղեկատվական գործակալությանը տրված հարցազրույցի ժամանակ հայտարարել է «Նոր հեռանկարներ» իրանական վերլուծական կենտրոնի տնօրեն Միր Ղասեմ Մոումենին: Նրա խոսքերով՝ Ադրբեջանը պատրաստ չէ պատերազմի ո՛չ տնտեսական, ո՛չ քաղաքական իմաստով:
«Առկա են մի շարք պատճառներ, որոնք թույլ են տալիս ենթադրել, որ Բաքուն դեռ չի պատրաստվում պատերազմ սկսել: Այստեղ խնդիրն այլ է. ադրբեջանական ընդդիմությունը ճանապարհներ է փնտրում իր նպատակներին հասնելու համար, և բաշտոնական Բաքվի ռազմաշունչ հայտարարություններն ուղղված են ընդդիմադիր քաղաքական ուժերին»,-նշում է Մոումենին:
Բացի այդ, կարծում է զրուցակիցը, Ադրբեջանը կարող է ուժեղ համարվել ռազմական և տնտեսական ոլորտում, սակայն այսօր նա կարող է պատերազմական գործողություններ իրականացնել միայն սոցիալական պլանում «սոված փորով» մնալու դեպքում:
Ընդ որում, փորձագետը նշում է, որ Ադրբեջանի կողմից մեծաքանակ զենքի ձեռքբերումը դեռ ոչինչ չի նշանակում, քանի որ «Ադրբեջանը, չնայած նրան, որ գնում է մեծաքանակ զենք, սակայն ո՛չ Ռուսաստանը, ո՛չ Եվրոպան, ո՛չ ԱՄՆ-ը նրան թույլ չեն տա օգտագործել այդ զենքը»:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
