Վրաստանը դատի է տվել Ռուսաստանին

Վրաստանը Ռուսաստանի դեմ հայցով դիմել է Մարդու իրավունքների եվրոպական դատարան։ Վրաստանի արդարադատության նախարարության պաշտոնական հաղորդագրության մեջ նշվում է, որ 2008 թ. Հարավային Օսիայում ռուս զինծառայողներն ու զինված խմբավորումները խախտել են Մարդու իրավունքների համընդհանուր հռչակագիրը։ 

Վրաստանի արտգործնախարար Թինա Բուրջալիանին հայտնել է, որ Վրաստանը Ռուսաստանին մեղադրում է Մարդու իրավունքների համընդհանուր հռչակագրի 8 հոդվածները խախտելու մեջ, այդ թվում՝ 2-րդ (Կյանքի իրավունք), 3-րդ (Կտտանքներ, անմարդկային վերաբերմունք ու մարդկային արժանապատվության վիրավորում), 5-րդ (Ազատության եւ անձեռնմխելիության իրավունք), 13-րդ (Պաշտպանության իրավունք) հոդվածները, նաեւ սեփականության, կրթության, ազատ տեղաշարժման իրավունքները։

Եվրոպական դատարանն ընդունել է հայցը, սակայն առայժմ հայտնի չէ, թե երբ է սկսվելու դրա քննարկումն ըստ էության։