Երկրպագուհին ներխուժել է սեղանի թենիսի չեմպիոնի սենյակ ու գողացել նրա ներքնազգեստը

Պեկինի ոստիկանությունը հետաքննություն է սկսել սեղանի թենիսի աշխարհի չեմպիոն Ֆան Ժենդոնգի կողմից գողության մասին հաղորդում ստանալուց հետո: Ինչպես հայտնում է South China Morning Post-ը (SCMP), մի կին երկրպագու ներխուժել է մարզիկի սենյակ և գողացել նրա ներքնազգեստը։

Չինական Weibo սոցիալական ցանցում Ֆանն ասել է հետևորդներին, որ մի երկրպագուհի մի քանի օր հետապնդել է իրեն և ի վերջո գաղտագողի մտել հյուրանոցի իր սենյակ և տարել իր կուռքի ներքնաշորը: Կնոջը հաջողվել է ընդունելության սեղանի մոտից գողանալ տղամարդու սենյակի էլեկտրոնային բանալին։ Մարզիկը պատմել է, որ սենյակ մտնելու պահը ֆիքսել են տեսախցիկները, իսկ հյուրանոցի սպասուհիները դարձել են հանցագործության ականատես։