ՃՏՊ Երևան-Սևան ավտոճանապարհին. կան տուժածներ

Կոտայքի մարզային ճգնաժամային կառավարման կենտրոն ապրիլի 12-ին, ժամը 15:55-ին տեղեկություն է ստացվել, որ Երևան-Սևան ավտոճանապարհի 15-րդ կմ-ին տեղի է ունեցել ՃՏՊ. կան տուժածներ:

Ինչպես տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ Փրկարարական ուժերի վարչության Հատուկ նշանակության փրկարարական աշխատանքների իրականացման կենտրոնի փրկարարական խումբը:

Ըստ աղբյուրի՝ պարզվել է, որ բախվել են «Opel Astra» (վարորդ՝ Բ. Շ.), «Opel Astra» (վարորդ՝ Ա. Ե.) և «Nissan Tiida» մակնիշների ավտոմեքենաները:

«Մինչ փրկարարների կանչի վայր հասնելը՝ «Nissan Tiida» մակնիշի ավտոմեքենայից դուրս են բերվել Գ. (ծնված 1997 թ.) և Գ. (ծնված 2000 թ.) Ս.-երը և հոսպիտալացվել Աբովյան քաղաքի ԲԿ, որտեղ բժիշկները նրանց առողջական վիճակը գնահատել են բավարար. ևս երկու տուժած հոսպիտալացվել են Երևան քաղաքի «Սուրբ Գրիգոր Լուսավորիչ» ԲԿ »,-ասվում է հաղորդագրության մեջ:

Նշվում է, որ փրկարարները հոսանքազրկել են ավտոմեքենաները և փակել գազի բալոնների փականները: