Մեր ռազմավարական խնդիրն է համակեցության բանաձեւը գտնել, որեւէ միջադեպ այն չի փոխում․ Փաշինյան

Եթե Հայաստանն անվտանգային միջավայրի այս պայմաններում ունի տնտեսական մեծ աճ, ուրեմն՝ երբ մենք անվտանգային հարցեր լուծենք, պատկերացնո՞ւմ եք՝ մեր երկիրը տնտեսական զարգացման ինչ տեմպի մեջ է լինելու։ Այս մասին Ազգային ժողովում հարցուպատասխանի ժամանակ հայտարարեց վարչապետ Նիկոլ Փաշինյանը։

Ըստ նրա՝ այսօր Հայաստանը մեծ տեմպերով զարգանում է։

«Անվտանգային միջավայրի գործողությունները նպատակ ունեն նաեւ երկրի զարգացման դինամիկան կոտրելու։ Բայց մենք պետք է շարունակենք կենտրոնացած լինել երկրի զարգացման վրա, որովհետեւ առանց այդ օրակարգի մեր անվտանգային խնդիրները չենք կարող լուծել։ Երեկ միջադեպ է տեղի ունեցել, մենք զոհեր ենք ունեցել, բայց ես արձանագրում եմ հետեւյալը՝ զոհեր ունեցել են նաեւ ադրբեջանցիները՝ ավելի շատ, կրկնակի։ Մեր ռազմավարական խնդիրն է համակեցության բանաձեւը գտնել, այլ տարբերակ չկա։ Որեւէ միջադեպ մեր ռազմավարական խնդիրը չի փոխում»,- ասաց Փաշինյանը։