Չինաստանում ընկերության աշխատակիցը շահել է 365 օր վճարովի արձակուրդ

Չինաստանում ընկերության աշխատակիցը շահել է 365 օր վճարովի արձակուրդ, գրում է Asia One-ը։

Ըստ ԶԼՄ-ների՝ մրցանակը խաղարկվել է ընկերության կողմից կազմակերպված ամենամյա ընթրիքի ժամանակ։ Հաղթող է ճանաչվել ֆիրմայում բարձր պաշտոն զբաղեցնող տղամարդը: Սկզբում նա չէր հավատում բախտին ու մի քանի անգամ հաղորդավարուհուն հարցրեց՝ արդյոք վրիպակ կա։ Ղեկավարությունն ասել է, որ աշխատակցի հետ կքննարկեն՝ նա ուզում է արձակուրդ գնալ, թե դրա փոխարեն կանխիկ գումար ստանալ։

Հաղթողի մասին հաղորդագրությունները սոցցանցերի օգտատերերի մոտ նախանձի զգացում են առաջացրել։ Շատերն են հետաքրքրվել, թե արդյոք այդ ընկերությունում թափուր աշխատատեղեր կան։ Սակայն մեկնաբաններն անհանգստացած էին, որ եթե չինացին մեկ տարով արձակուրդ գնա, ապա նրա փոխարեն այլ մարդ կգտնվի։ Ինքը՝ տղամարդը, դեռ չի բացահայտել իր ծրագրերը։