Առաջին անգամ Մոնակոյում կկայանա Հայաստան-Մոնակո բիզնես ֆորում. Վրույր Փենեսյան
Բլոգոսֆերա
Գործարար Վրույր Փենեսյանը ֆեյսբուքյան գրառմամբ հայտնել է․
«Հայաստան Մոնակո հարաբերությունները այսուհետ կամրապնդվեն նաև տնտեսական ոլորտում։
Առաջին անգամ Մոնակոյում կկայանա Հայաստան Մոնակո բիզնես ֆորում , Հայաստանի արդյունաբերողների և գործարարների միության (ՀԱԳՄ) և Monaco Economic Board-ի (MEB) միջև , որը պետական կառույց է և համակարգում է տնտեսական կառույցներ։
Միջոցառմանը Հայաստանից կմասնակցեն ոչ միայն ՀԱԳՄ անդամներ այլ նաև գործարարներ տարբեր միություններից։
Մոնակոյից ներկա կլինեն ոչ միայն MEB անդամներ, այլ նաև SBM գրուպի ներկայացուցիչներ, որը պատկանում է Մոնակոյի արքայազն Ալբեր II-ին և որի մեջ են ընդգրկված Մոնակոյի բոլոր խոշոր կառույցները։
Միջոցառումը կունենա նաև մշակութային մաս և հաջորդ օրը կկայանա համերգ նվիրված Արամ Խաչատրյանի 120 ամյակին , որի մասին կներկայացնեմ առանձին ։ Այսօրվա քննարկման ժամանակ իրենց կողմից ճանաչելի էր ARARAT կոնյակը , բայց այսուհետ փորձելու ենք այլ հայկական ընկերություններ ևս ճանաչելի դարձնել Մոնակոյում։
Համաժողովին ներկա կլինեն նաև Մոնակոյի , Նիսի , Սան Տրոպեյի հայ համայնքի ներկայացուցիչներ:
Նկարում իմ հետ MEB-ի տնօրեն Գույամ Ռոսն է և իր տեղակալ Ջասթին Հայմանը»,-գրել է նա։
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
