Պատրաստ եմ աջակցելու զոհված զինծառայողի մորը, ինչով հնարավոր է․ Զարուհի Հովհաննիսյան

Իրավապաշտպան Զարուհի Հովհաննիսյանը, անդրադառնալով զոհված զինծառայող Ժորա Մարտիրոսյանի մորը՝ Գայանե Հակոբյանին կալանավորելու որոշմանը, գրում է.

«Զոհված զինծառայողի մորը կալանքը միայն վնասելու է, նա կարիք ունի հոգատարության և աջակցության։ Պատրաստ եմ աջակցելու, ինչով հնարավոր է և թեթևացնելու նրա ծանր հոգեբանական վիճակը։

Ինչ վերաբերում է այս միջադեպից քաղաքական դիվիդենտներ շահողներին ու օգտվողներին, ատելություն ու հայհոյանք տարածողներին, նրանց անտեսում և անտեսելու եմ»,- գրել է նա։