Հայրենյաց-Լուսակերտ-Հոռոմ հատվածում «Ճանապարհային դեպարտամենտի» լաբորատորիան ստուգումներ է իրականացրել

«Ճանապարհային դեպարտամենտի» լաբորատորիան պարբերաբար ստուգումներ է իրականացնում ճանապարհաշինության ընթացքում՝ տարբեր փուլերում ստուգելով կատարվող աշխատանքների որակը։ Այդ մասին հայտնում են «Ճանապարհային դեպարտամենտ» հիմնադրամից:

Հերթական ստուգումը Հյուսիս-հարավ ճանապարհային միջանցքի Տրանշ-3-ում՝ Հայրենյաց-Լուսակերտ-Հոռոմ հատվածում։ Ասֆալտապատված ճանապարհից վերցվել են հանուկներ, որոնց բաղադրությունը և շիննորմերին համապատասխանությունը կուսումնասիրվեն լաբորատոր պայմաններում։