«ՀայաՔվե»-ի ստորագրահավաքին մասնակցողներին Լոռիում սպառնում են աշխատանքից զրկել, զինծառայող երեխաներին նեղել․ Սողոմոնյան

«ՀայաՔվե» նախաձեռնության ստորագրահավաքին մասնակցող ՀՀ քաղաքացիներին Լոռու մարզում, հատկապես գյուղերում, սպառնում են աշխատանքից զրկելով, զինծառայող երեխաներին ու թոռներին նեղելով, քստմնելի այլ արարքներով: Այս մասին Facebook-ի իր էջում գրել է «Համախմբում» նախաձեռնության անդամ Մենուա Սողոմոնյանը:

Նա նաեւ նշել է. «Կան առանձին ճիվաղներ, պատի ծակից դուրս եկած սուբյեկտներ, ում չեն ճանաչել անգամ 500 մետր շառավղով, որոնք պատուհաս են դարձել մարդկանց գլխին ու որոնցից պարզապես գարշում են պատիվ ու հարգանք ունեցող մարդիկ։ Այդ ճիվաղները մտածում են, որ իրենց շեֆը հավերժ է։ Բայց սխալվում են։ Պատվի ու հարգանքի սկզբունքներն են հավերժ։ Ոչ հեռու ապագայում իրենք չեն իմանալու՝ ինչ անեն։

Միևնույն է. մենք հասնելու ենք ՀՀ-ի ու Արցախի միասնությանը։ Մենք մեր պապերից ժառանգություն ենք ստացել էս հողը։ Մենք էս հողը շուն ու գելի բաժին չենք դարձնելու, ժառանգելու ենք մեր թոռներին։ Մենք պատվի ու հարգանքի սկզբունքները փոխանցելու ենք մեր զավակներին։ Սրանում է կյանքի ներդաշնակությունը»։