Մոսկվայում անձրևը հեղեղել է Wildberries-ի Էլեկտրոստալ քաղաքի պահեստը (տեսանյութ)
ՏեսանյութերՄոսկվայում հորդառատ անձրևը վնասել է Wildberries-ի Էլեկտրոստալ քաղաքի պահեստի տանիքը և հեղեղել պահեստը։ Հրապարակվել են կադրեր, որտեղ երևում է պահեստի տանիքի փլուզումը։
Հզոր հոսքը ճեղքում է շենքի տանիքը և թափվում արկղերի վրա, որտեղ, ըստ ամենայնի, պահվում է ապրանքը։ Արդյունքում՝ անձրևաջրերը լցվում են պահեստ։
Wildberries-ի մամուլի ծառայությունից հաստատել են, որ հորդառատ անձրևը վնասել է պահեստի տանիքը։ Արդյունքում՝ ջուրը հեղեղել է մոտ 500 քմ տարածք (պահեստի ընդհանուր մակերեսը 250 հազար քմ է): Տարածքի հեղեղված հատվածից անմիջապես տարհանվել են աշխատակիցները, միջադեպի հետևանքով՝ տուժածներ չկան։
Պահեստում արդեն սկսվել են վերանորոգման աշխատանքները։ Ապրանքները տեղափոխվել են պահեստի այլ հատվածներ։ Գույքագրման ընթացքում կհաստատվի վնասի չափը, այնուհետև կփոխհատուցվի գնորդների կորցրած ապրանքի արժեքը։
«Պահեստը շարունակում է աշխատել ստանդարտ ռեժիմով։ Ապրանքներն ընդունվում են պահեստ, պատվերներն ուղարկվում են գնորդներին»,- նշել են Wildberries-ի մամուլի ծառայությունից։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
