Մոգադիշոյում տեղի ունեցած պայթյուններից 4 մարդ է զոհվել

Սոմալիի մայրաքաղաք Մոգադիշոյի կենտրոնական շրջանում գտնվող The Village ռեստորանի մոտ հնչած 2 պայթյունների հետևանքով զոհվել է 4 մարդ, ավելի քան 10-ը՝ վիրավորվել։ Այս մասին հայտնում է BBC-ն։ Ականատեսների խոսքերով՝ պայթյուններն իրականացրել է մահապարտ–ահաբեկիչը։

Նշենք, որ այս տարվա սեպտեմբերին Սոմալիում մեկ այլ ռեստորանի մոտ հնչած պայթյունից զոհվել էր 14 մարդ։ Հետաքրքիր է այն փաստը, որ այդ ռեստորանը պատկանում է The Village–ի սեփականատերերին։