«Բարսելոնան» շարունակում է իր հաղթարշավը

Իսպանիայի առաջնության շրջանակներում կատալոնական «Բարսելոնան» հյուրընկալեց «Սելտային»: Հանդիպումն ավարտվեց Վիլանովայի թիմի հաղթանակով` 3-1 հաշվով: Խաղի հաշիվը բացվեց 21-րդ րոպեին` գոլի հեղինակ դարձավ Ադրիանոն, երեք րոպե անց Բարմեխոն հավասարեցրեց հաշիվը: Կատալոնացիներին հաշվի մեջ կրկին առաջ անցնելու համար պահանջվեց 2 րոպե, այս անգամ աչքի ընկավ Դավիդ Վիլյան: Իսկ երկրոդ խաղակեսի 61-րդ րոպեին Խորդի Ալբան գոլերի տարբերությունը հասցրեց 2-ի: 

Արդյունքում կատալոնացիները ձեռք բերած 28 միավորով ամրապնդվեցին Իսպանիայի առաջնության մրցաշարային աղյուսակի առաջին հորիզոնականում: