Կանադացի գիտնականը հայտնագործել է սեռական կողմնորոշման 4-րդ տարբերակը

Կանադացի հեղինակավոր գիտնականը վերջերս CBC հեռուստաընկերությանը տրված իր հարցազրույցում նշել է, որ գոյություն ունի սեռական կողմնորոշման 4-րդ տարբերակը, որը չի մտնում առկա տարբերակներից որևէ մեկի մեջ: Նշյալ խումբը կազմում է երկրի բնակչության ընդամենը 1 տոկոսը:

Ինչպես հայտնի է, որպես սեռական կողմնորոշման խմբեր առանձնանում են 3-ը՝ բիսեքսուալներ, հետերոսեքսուալներ և համասեռամոլներ: Մնացած ենթադրյալ խմբերը՝ նեկրոֆիլներ, զոոֆիլներ և պեդոֆիլներ, համարվում են սեռական շեղում, որոնք ենթակա են հատուկ բուժման: Կանադացի պրոֆեսոր Էնթոնի Բոգարտը, որը ներկայացնում է Կանադայի Բրոք համալսարանը, համարում է, որ վերը նշված 3 խմբերին անհրաժեշտ է ավելացնել 4-րդը, որ կոչվում է ասեքսուալներ: Վերջիններս, կազմելով երկրի բնակչության ընդամենը 1 տոկոսը, ընդհանրապես հետաքրքրություն չեն տածում սեռական կյանք ունենալու հարցում, այսինքն՝ նրանց մոտ բացակայում է լիբիդո հորմոնը:

Է. Բոգարտի խոսքերով՝ վերջին տարիներին աճում է ասեքսուալների թիվը, որը հնարավոր է առաջիկայում լուրջ զանգված դառնա: Ըստ պրոֆեսորի՝ նման կողմնորոշմամբ անձինք բացարձակ անտարբեր են սեռական կյանք ունենալու հարցում: Կանադացի գիտնականը նշյալ խնդրով զբաղվում է ավելի քան 18 տարի, որի ընթացքում լուրջ փաստեր է հավաքել նշյալ խնդիր ունեցողների շրջանակներում: Ըստ վերջինիս՝ երկրի բնակչության 100 անձից 1-ը համարվում է ասեքսուալ: