Ապօրինի ծագում ունեցող որևէ տեսակի գույք չկա, բոլոր անհրաժեշտ փաստաթղթերը ներկայացվել են դատախազությանը․ Գագիկ Ծառուկյան
ՔաղաքականԲՀԿ առաջնորդ Գագիկ Ծառուկյանը լրագրողների հետ զրույցում մտահգություն է հայտնել Արցախի շրջափակման կապակցությամբ։ Քաղաքական գործիչը նշել է, որ չի ճանաչում որևէ հայի, որ Արցախի հարցով մտահոգ չլինի։ Նա հայտնել է, որ ամեն օր կապի մեջ է Արցախի իր գործընկերների հետ։
Գագիկ Ծառուկյանը նաև մեկնաբանել է գույքի բռնագրավման հարցով գլխավոր դատախազություն իր հրավիրվելը․
«Փաստաբանս բոլոր անհրաժեշտ փաստաթղթերը ներկայացրել է դատախազությանը, բոլոր հիմնավորումները կտրվեն, որ ապօրինի ծագում ունեցող որեւէ տեսակի գույք չկա»,– ասել է նա։
«Ծնողներս խորը ծերության մեջ էլ աշխատում են, զբաղմունք ունեն։ Հայրս ամեն առավոտ՝ ժամը 7-ին, տան դուռը բացում է, գնում է բերք ու բարիք ստեղծելու, մայրս էլ իր գործին է, որը տնօրինում է տարբեր ոլորտներ։ Մեր ընտանիքում աշխատում են բոլորը։ Ապօրինի հարստացումը ո՞րն է, եթե ես շատ աշխատատեղեր եմ ստեղծել մարդկանց համար, որ արտագաղթի ճանապարհից հետ են կանգնել, իրենց ընտանիքն են պահում ․․․ Օրենքի ցավը տանեմ, օրենքը բոլորին է վերաբերում, ինձ մոտ ամեն ինչ պարզ է և բաց»,- նշել է Ծառուկյանը։
Մանրամասները՝ տեսանյութում։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
