Խախտումներ բնապահպանության նախարարությունում. բաց նամակ

«Առողջ Հրազդան խումբ» քաղաքացիական նախաձեռնությունը բաց նամակ է հղել ՀՀ բնապահպանության նախարար
Արամ Հարությունյանին, որում մասնավորապես ավում է.

«Ի պատասխան մեր նամակի' կապված Հրազդանի երկաթահանքի տարածքում իրականացվող հորատման աշխատանքների խնդրին, նախարարության կողմից հղված պատասխանում փաստվել էր, որ «Ֆորչն Ռիզորսիս» ՍՊԸ-ն 2012թ.ապրիլի 19-ին ՀՀ էներգետիկայի և բնական պաշարների նախարարության կողմից ստացել է ԵՀԹ – 29/008 համարի օգտակար հանածոների արդյունահանման նպատակով երկրաբանական ուսումնասիրության թույլտվություն' երեք տարի ժամկետով:

Սույն իրողությունը «Առողջ Հրազդան խումբ» քաղաքացիական նախաձեռնության անդամների մոտ հարուցել է մի շարք հարցեր.

ա. «Ֆորչն Ռիզորսիս »ՍՊԸ-ն ՀՀ էներգետիկայի և բնական պաշարների նախարարության կողմից ուսումնասիրության թույլտվությունը ստացել է ընդամենը 2012թ-ի ապրիլին, այնինչ այդ ուսումնասիրությունները իրականացվում էին ամբողջ 2011թ-ի ընթացքում' դրանց անօրինական լինելու փաստով,ի պատասխան մեր բազմաթիվ ահազանգերին ,ինչու նախարարությունը չէր դադարեցնում նախքան համապատասխան թույլտվությունը իրականացվող ծավալուն աշխատանքները:

բ. Մեզ հաջողվեց պարզել, որ էներգետիկայի և բնական պաշարների նախարարությունը հիշյալ թույլտվությունը տվել է բնապահպանության նախարարության -ի ՀՀ Կոտայքի մարզի Հրազդանի երկաթի հանքավայրի թևերում օգտակար հանածոների արդյունահանման նպատակով կատարվելիք ընդերքի երկրաբանական ուսումնասիրության լրամշակված աշխատանքային ծրագրի բնության և շրջակա միջավայրի վրա ադեցության նախնական գնահատման վերաբերյալ եզրակացության հիման վրա:Այս փաստաթուղթը սկսվում է.« ուսումնասիրության տարածքը գտնվում է ՀՀ Կոտայքի մարզում, Հրազդան քաղաքից 1.5 կմ հյուսիս-արևելք», ինչն իրականության միտումնավոր խեղաթյուրում է, քանզի Հրազդան քաղաքի

• Միկրոշրջան թաղամասի աջափնյակ հատվածի բնակելի շենքերից հանքը գտնվում է մոտ 1 կմ հարավ:

• Վանատուր թաղամասի տներից մոտ 200-300 մ արևելք:

• Կենտրոն թաղամասի բնակելի շենքերից մինչև 1.2 կմ արևելք:

• Կոճոռ թաղամասի տներից մոտ 1 կմ հյուսիս:

• Հինգերորդ Բանավանից մոտ 1 կմ հյուսիս հյուսիս-արևելք:

• Երկաթուղայինների Բանավանից մոտ 500 մ արևելք:
Թվարկածից հետևում է, որ հանքը գտնվում է Հրազդան քաղաքի կենտրոնում, իսկ մոտակա բնակելի տները հանքի տարածքից ընդամենը 200-300 մ հեռավորության վրա:

գ. Բնապահպանական միջոցառումների ծրագրով ուսումնասիրման
աշխատանքների առաջին փուլի համար նախատեսված են'(մեջբերված է բնապահպանության նախարարության տրամադրած եզրակացությունից )

• առուների անցման ընթացքում հանված բերրի/պոտենցիալ բերրի հողերի պահպանում հատուկ նախատեսված վայրերում:- Չի կատարվել

• հանութային աշխատանքներից հետո առուների հետլցնում և ռեկուլտիվացում: բնականաբար չի կատարվի, որովհետև հողերը չեն հանվել

• 175.0 հազ. գումարի հատկացում շրջակա միջավայրի պահպանության դրամագլխին' ռեկուլտիվացիոն աշխատանքների իրականացման նպատակով:
դրամագլխի գոյության փաստն ու գումարի փոխանցման իրողությունը ճշտել չհաջողվեց

• սարքավորումների աշխատանք սարքին վիճակում'զտիչներով:
չի կատարվել

• նավթամթերքի պահեստի տեղադրում դրենաժային համակարգով, բետոնապատ տարածքում: -
Չի կատարվել

• հողերի աղտոտումը կանխելու նպատակով տարեկան երկու անգամ նմուշառման իրականացում:- Չի կատարվել

• բնապահպանական օրենսդրությամբ սահմանված կարգով փորձաքննության իրականացում մեր կարծիքով չի իրականացվել

ինչն էլ հիմք ընդունելով, խնդրում ենք,

1.« Ֆորչն Ռիզորսիս» ՍՊԸ-ին տրված ՀՀ Կոտայքի մարզի Հրազդանի երկաթի հանքավայրի թևերում օգտակար հանածոների արդյունահանման նպատակով կատարվելիք ընդերքի երկրաբանական ուսումնասիրության լրամշակված աշխատանքային ծրագրի բնության և շրջակա միջավայրի վրա ադեցության նախնական գնահատման վերաբերյալ եզրակացությունը համարել անվավեր:

2.Դիմել ՀՀ Էներգետիկայի և բնական պաշարների նախարարությանը'սույն հիմքով ետ կանչելու ԵՀԹ – 29/008 համարի օգտակար հանածոների արդյունահանման նպատակով երկրաբանական ուսումնասիրության թույլտվությունը:

3.Հրահանգել ՀՀ բնապահպանության նախարարության բնապահպանական պետական տեսչության Կոտայքի տարածքային բաժնին' կասեցնելու վերը բազմաթիվ խախտումներով իրականացվող հորատման աշխատանքները:

4.Քննարկել երկրաբանական ուսումնասիրության լրամշակված աշխատանքային ծրագրի բնության և շրջակա միջավայրի վրա ազդեցության նախնական գնահատման փաստաթղթում բացարձակ սխալ տեղեկություններ ներառելու կապակցությամբ աշխատանքային խմբի անդամներին պատասխանատվության ենթարկելու հարցը:»