Ամփոփվել է Ուկրաինայի խորհրդարանական ընտրությունների արդյունքերի 99,84%-ը

Ուկրաինայում ամփոփվել են համամասնական ցուցակներով ընտրությունների 99,84%–ի արդյունքները։ Իշխող «Շրջանների» կուսակցությունը հավաքել է ընտրողների ձայների 29,99%–ը։ Այս մասին տեղեկացնում է Ուկրաինայի ԿԸՀ-ն: Երկորդ տեղը պահպանում է միացյալ ընդդիմությունը՝ «Հայրենիքը»՝ հավաքելով 25,53%, երրորդ տեղը գրավել է բոքսի աշխարհի չեմպիոն Վիտալի Կլիչկոյի «Հարված» կուսակցությունը՝ 13,95%-ով, փոխանցում է РИА Новости-ն:

Նրանց հաջորդում են Կոմունիստական կուսակցությունը 13,18% և ազգայնական «Ազատություն» կուսակցությունը՝ 10,44%-ով: Մյուս քաղաքական ուժերը չեն գերազանցել 5%-ի արգելքը, որն անհրաժեշտ է խորհրդարան անցնելու համար:

«Շրջանների» կուսակցությունը առաջատարի դիրքերը պահում է նաև մեծամասնական ցուցակներով:

Ուկրաինայում հոկտեմբերի 28-ին կայացած խորհրդարանական ընտրությունները անցել են խառը համակարգով. Պատգամավորական կորպուսի (225 մարդ) ընտրվել է համամասնական ցուցակներով, երկրորդ կեսը՝ մեծամասնական ցուցակներով: Առաջին անգամ  ընտրատարածքներում օգտագործվել է հեռուստավերահսկողության համակարգը:

ԵԱՀԿ դիտորդները ընտրությունները համարել են ոչ բավական թափանցիկ և արձանագրել են վարչական ռեսուրսների չարաշահում ընտրարարշավի ժամանակ և ընտրարարշավի անհավասար լուսաբանում ԶԼՄ-ներով: