The Independent.Բացահայտվել են Ալիևի և Յորքի դքսի գաղտնի գործարքների վերաբերյալ փաստերը

Յորքի դուքս Էնդրյուն, ով համարվում է ամենաշռայլ հարկատուն փողերի ծախսման' սեփական ինքաթիռներ գնելու, համաշխարհային մի շարք ընկերությունների և տարբեր երկրների առաջնորդների հետ կասկածելի գործարքներ կնքելու, ով նաև մեղադրվում է պեդոֆիլիայի մեջ, Մեծ Բրիտանիայի առևտրի և ներդրումների դեպարտամենտի որոշման համաձայն, պետք է լքի նշյալ դեպարտամենտի ղեկավարման պաշտոնը, քանի որ, պետական կառույցի հոսքերն օգտագործվում են անձնական նպատակներով:

Համաձայն բրիտանական Independent պարբերականի, ս.թ. նոյեմբերի 4-ի հատուկ թողարկման, Յորքի դուքսը, ավելի քան 1 տարի է, շարունակում է հետաքրքրություն ցուցաբերել Ադրբեջանի նկատմամբ, ով ուղղակի սերտ հարաբերությունների մեջ է գտնվում Ադրբեջանի նախագահ Ի.Ալիևի հետ: Ըստ բրիտանական պարբերականի հաղորդագրության, նշյալ փաստը, խիստ կասկածի առիթ է դարձել, քանի որ, բոլորին հայտնի է, որ Ադրբեջանը համարվում է աշխարհի կոռումպացված երկրներից մեկը: Ըստ տեղեկատվության, Բուքինգեմյան պալատում նախորդ շաբաթ Յորքի դուքսը հանդիպում իրականացնելով Ադրբեջանում Մեծ Բրիտանիայի արտակարգ և լիազոր դեսպան Պետեր Բաթեմանի հետ, վերջինիս հանձնարարել է, իրազեկել Ադրբեջանում տեղի ունեցող քաղաքական զարգացումների վերաբերյալ:
Ըստ պարբերականի, չնայած հանդիպման այլ մանրամասներ չեն հրապարակվել, բայց որոշ տեղեկություններով, դուքսը բրիտանական բիզնեսն Ադրբեջանում ներդնելու ուղղությամբ մի շարք քայլեր է պատրաստվում ձեռնարկել' մասնավորապես, նորագույն տեխնոլոգիաների, գիտության, բնական ռեսուրսների հետազոտման, այդ թվում, մանր և միջին օղակի բիզնեսի ընդլայնման: Ադրբեջանի քաղաքական զարգացումների ուղղությամբ զբաղվող գրաքննադատներն իրենց հրապարակումներում նշել են, որ Մեծ Բրիտանիայի առևտրի և ներդրումների պետդեպարտամենտի կողմից Յորքի դքսի այդ կառույցի համակարգման դեմ բողոքի որոշումը, ևս լայն հնարավորություն է տալիս ՄԱԿ-ի մարդու իրավունքների հանձնաժողովին, հետևողականորեն հրապարակել տվյալներ, ըստ որի, այն երկրում, որտեղ Յորքի դուքսը բիզնես նախագծեր է փորձում իրականացնել, այնտեղ լիովին ոտնահարվում են մարդու իրավունքները, մեծ թափով աճում է կոռուպցիան, երկրի հատուկ ծառայությունների, ոստիկանության կողմից խիստ սահմանափակումներ են դրվում մարդու ազատ տեղաշարժի, խոսքի ազատության, գրաքննության, լրագրողների նկատմամբ լուրջ ճնշումների և այլն:

Համաձայն բրիտանական Independent պարբերականի, վերջին 5 տարիների ընթացքում, Յորքի դուքսն ութ անգամ մասնավոր բնույթի հանդիպում է իրականացրել Ադրբեջանի նախագահ Ի.Ալիևի հետ: Բուքինգեմի աղբյուրների տեղեկատվությամբ, նշյալ հանդիպումներից երկուսը կրել են գաղտնի բնույթ և ընդհանրապես չեն լուսաբանվել որևէ լրատվամիջոցով: Դեռևս 2011թ-ին մարտ ամսին, Ադրբեջանում Մեծ Բրիտանիայի դեսպանը հատուկ նամակ էր հղել Միացյալ Թագավորության երեք կառավարության գերատեսչությունների մամլո գրասենյակներին, որում նշվել էր, որ Յորքի դքսի այցերն Ադրբեջան, բավականին կասկածելի բնույթ են կրում:

Հարկ է նշել, որ նմանատիպ հանդիպումներ Յորքի դքսի կողմից իրականացվել էր դեռևս 2008թ-ին Լիբիայի նախկին նախագահ Քադաֆիի հետ:

Ըստ բրիտանական պարբերականի հաղորդագրությունների, որոնք փաստարկվում են մի շարք աղբյուրներով, Յորքի դուքս Էնդրյուն արդեն երկար տարիներ է ինչ իր գործնական հետաքրքրություններ է ընդլայնում Մերձավոր և Միջին Արևելքի տարածաշրջանում, Կասպից ծովի հատվածներում: Չնայած այն փաստին, որ Յորքի դքսի վերըոնշյալ կառույցի ղեկավար պաշտոնից ազատելու որոշմանը, այնուամենայնիվ, միջազգային մի շարք վերլուծաբանների գնահատմամբ, վերջինս շարունակելու է էական դեր ունենալ Մեծ Բրիտանիայի և Ադրբեջանի միջև առևտրի և ներդրումների խթանման հարցում: