Ուկրաինայի ընդդիմությունը պահանջում է ձերբակալել ընտրակեղծարարներին

Ուկրաինայում ս.թ. հոկտեմբերի 28-ին կայացած ընտրությունների արդյունքում, որն ըստ տվյալների, հաղթել է իշխող «Ռեգիոնների կուսակցությունը»՝ 34,27 %-ով, երկրորդ տեղում է նախկին վարչապետ Յուլյա Տիմոշենկոյի «Բատկիվշինա» կուսակցությունը, որը ստացել է ձայների 22,46%-ը, երրորդն Ուկրաինայի Կոմունիստական կուսակցությունն է՝ 14,73% քվեով, ուկրաինական ընդդիմությունը ի դեմս Յ.Տիմոշենկոյի կուսակցության համակիրների կոչ է արել միջազգային հանրությանն անօրինական համարել արդյունքները և ձերբակալել ընտրակեղծարարներին:

Ընդդիմադիրները պահանջել են միջազգային կառույցներին պետական արգելք դնելով վերջիններիս գույքի և բանկային հաշիվների վրա,այդ թվում, մերժել ցուցակով ներկայացրած անձանց մուտքն Արևմտյան երկրներ: Ընդդիմադիր առաջնորդների հայտարարությունում նշվել է, որ Ուկրաինայի Կենտրոնական ընտրական հանձնաժողովը, ընտրությունների ողջ ընթացքն անցկացրել է կոպիտ ընտրախախտումներով, որին էլ հետևել է քվեների հաշվման ոչ օբյեկտիվ պատկերի օրինականացումը: Հարկ է նշել, որ միջազգային դիտորդները, ովքեր ներգրավված են եղել ընտրական գործընթացներում, իրենց կողմից ևս փաստում են երևույթի առկայությունը: Ընդդիմությունը որոշում է ընդունել դիմել ԵԽԽՎ և ԵԱՀԿ գործող կառույցներին, անվավեր ճանաչել Ուկրաինայում կայացած ընտրությունների արդյունքները և պատժել ընտրակեղծարարներին, որոնց անուններում նշվել է Ուկրաինայի նախագահ Վ.Յանուկովիչը, գլխավոր դատախազ Վ.Պշոնկուն, ՆԳ նախարար Վ.Զախարչենկոն և մի շարք դատական և իրավական մարմինների ղեկավարներ: