Մայր Աթոռ Սուրբ Էջմիածնի հյուրընկալության բաժնի պատասխանատուն «Բելի դոմում» ծեծել է իր նախկին փեսային
Վերջին լուրեր
Մայր Աթոռ Սուրբ Էջմիածնի հյուրընկալության բաժնի պատասխանատու Սենիկ Մխիթարյանի՝ նույն ինքը Սամվել աբեղայի նկատմամբ կարգապահական վարույթ է սկսվել Ամենայն Հայոց Կաթողիկոս Գարեգին Բ-ի կողմից:
Ինչպես հայտնում է Shamshyan.com-ը, այս տարվա սեպտեմբերի 8-ին Սենիկ Մխիթարյանը Նոր Նորք վարչական շրջանում գործող «Բելի դոմ» հյուրանոցային համալիրում ծեծի է ենթարկել Արցախի պաշտպանության բանակի սպա, լեյտենանտ Հմայակ Հակոբյանին: Պատճառը եղել է նեղ ընտանեկան հարցերի շուրջ, որի ժամանակ սպան իրեն պահել է ոչ վայել, ինչն էլ բարկացրել է հոգևորականին ու նա մի քանի լավ մուշտի է տվել սպային:
Փաստի առթիվ ոստիկանության Նոր Նորքի բաժնում նյութեր են նախապատրաստվում:
Ֆոտոլրագրողը հայտնում է, որ այս տարվա օգոստոսին Ս. Մխիթարյանը «Մերսեդես» մակնիշի ավտոմեքենայով Երևան քաղաքի Մամիկոնյանց փողոցում ինքնավթարի էր ենթարկվել՝ բախվելով թիվ 83 էլէկտրասյանը:
Նշված դեպքի առթիվ Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Տիգրան Վարդանյանի կողմից նյութեր էր նախապատրաստվել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
