ՀՀ արտաքին առևտրաշրջանառությունն աճել է

Ըստ ՀՀ կառավարությանն առընթեր պետական եկամուտի կոմիտեից ստացված և հավաքագրված օպերատիվ տվյալների, ՀՀ ազգային վիճակագրական ծառայությունը հրապարակել է ՀՀ արտաքին առևտրաշրջանառությունը 2012թ.-ի հունվար-սեպտեմբեր ամիսներին:

Այսպիսով, 2012թ.-ի հունվար-սեպտեմբեր ամիսներին ՀՀ արտաքին առևտրաշրջանառությունը կազմել է 4,041,582.7 հազար ԱՄՆ դոլար, որը, նախորդ տարվա նույն ժամանակահատվածի համեմատ, աճել է 2.4%-ով: ԱՊՀ երկրների հետ առևտրաշրջանառությունը հաշվետու ժամանակաշրջանում կազմել է 1,147,294.9 հազար ԱՄՆ դոլար:

ԱՊՀ երկրների հետ առևտրաշրջանառության ամենամեծ ծավալները բաժին է ընկնում ռուսաստանի Դաշնությանը` 912,016.5 հազար ԱՄՆ դոլար, այնուհետև Ուկրաինան` 160,366.2 հազար ԱՄՆ դոլար:

ԵՄ երկրների հետ ՀՀ արտաքին առևտրաշրջանառությունը 2012թ.-ի հունվար-սեպտեմբեր ամիսներին կազմել է 1,212,795.3 հազար ԱՄՆ դոլար, որը, նախորդ տարվա նույն ժամանակաշրջանի համեմատ, նվազել է 8.4%-ով:

ՀՀ-ն ԵՄ երկրներից ամենամեծ առևտրաշրջանառությունն ունեցել է Գերմանիայի հետ` 322,719.1 հազար ԱՄՆ դոլար, այնուհետև Բուլղարիայի` 155,567.9 հազար ԱՄՆ դոլար:

Չինաստանի հետ ՀՀ արտաքին առևտրաշրջանառության ծավալներն այս տարվա հունվար-սեպտեմբերին կազմել է 291,891.4 հազար ԱՄՆ դոլար, Իրանի Իսլամական Հանրապետության հետ` 233,684.6 հազար ԱՄՆ դոլար, ԱՄՆ-ի հետ` 175,206.3 ԱՄՆ դոլար, Շվեյցարիայի հետ` 128,194.0 հազար ԱՄՆ դոլար:

Հայաստանից ամենաշատը արտահանվել են հանքահումքային արտադրանքներ, որն այս տարվա հունվար-սեպտեմբերին կազմել են 291,456.2 հազար ԱՄՆ դոլար, որից հետո գալիս են «ոչ թանկարժեք մետաղներ և դրանցից պատրաստված իրեր» ապրանքախմբի արտադրանքներ` 253,761.9 հազար ԱՄՆ դոլար և պատրաստի սննդի արտադրանքները` 167,258.2 հազար ԱՄՆ դոլար:

Ներմուծման մեջ գերակշիռ մասը կազմել են կրկին հանքահումքային արտադրանքները` 641,605.3 հազար ԱՄՆ դոլար, այնուհետև «մեքենաներ, սարքավորումներ և մեխանիզմներ» ապրանքախմբի արտադրանքները` 403,863.8 հազար ԱՄՆ դոլար, վերգետնյա, օդային և ջրային տրանսպորտի միջոցները` 264,542.9 հազար ԱՄՆ դոլար և պատրաստի սննդի արտադրանքները` 241,974.2 հազար ԱՄՆ դոլար: