Ամփոփվել է Ուկրաինայի խորհրդարանական ընտրությունների արդյունքների 99,94%-ը

Ուկրաինայում իշխող «Ռեգիոնների կուսակցություն»-ը հավաքել է 30,01% խորհրդարանական ընտրությունների համամասնական ցուցակներով 99,94% արդյունքների ամփոփումից հետո. հաղորդում է РИА Новости-ն: Երկորդ տեղում է ընդդիմությունը. «Հայրենիքը» հավաքել է 25,53%, իսկ երրորդ տեղը զբաղեցնում է բռնցքամարտի աշխարհի չեմպիոն Վիտալի Կլիչկոյի «Հարված» կուսակցությունը՝ 13,96%-ով. ասված է Ուկրաինայի ԿԸՀ-ի հայտարարության մեջ:

Կոմունիստական կուսակցությունը հավաքել է 13,18%, իսկ ազգայնական «Ազատություն» կուսակցությունը՝ 10,44%: Մնացած քաղաքական ուժերը չեն գերազանցել 5%-ի արգելքը, որն անհրաժեշտ է Ռադա անցնելու համար:

Իշխանական կուսակցությունն առաջատարի դիրքերը պահում է նաև մեծամասնական ցուցակներով՝ 99,54% արդյունքների ամփոփումից հետո:

Ուկրաինայում հոկտեմբերի 28-ին կայացած խորհրդարանական ընտրությունները անցել են խառը համակարգով. Պատգամավորական կորպուսի (225 մարդ) ընտրվել է համամասնական ցուցակներով, երկրորդ կեսը՝ մեծամասնական ցուցակներով: Առաջին անգամ ընտրատարածքներում օգտագործվել է հեռուստավերահսկողության համակարգը:

ԵԱՀԿ դիտորդները ընտրությունները համարել են ոչ բավական թափանցիկ և արձանագրել են վարչական ռեսուրսների չարաշահում ընտրարարշավի ժամանակ և ընտրարշավի անհավասար լուսաբանում ԶԼՄ-ներով:

ԵՄ դիվանագիտության ղեկավար Քեթրին Էշթոնը և ԵՄ ընդլայնման և եվրոպական քաղաքականության հարցերով հանձնակատար Շտեֆան Ֆյուլեն շաբաթ օրը իրենց անհանգստությունն են արտահայտել այն կապակցությամբ, որ ընտրությունների անցկացումից հինգ օր անց դեռևս չեն հրապարակվել արդյունքները: Այդ առիթով նրանք կոչ են արել ուկրաինական իշխանություններին և բոլոր շահագրգիռ կողմերին ձեռնարկել բոլոր անհրաժեշտ միջոցները ընտրությունների արդյունքների շուտափույթ հրապարակման համար: