Der Spiegel. Ինչ տեսք կունենա ապագա ԱՄՆ-ն արդեն վաղը

Վաղը՝ նոյեմբերի 6-ին, ԱՄՆ-ում կայանալու են նախագահական ընտրություններ: Իսկ հետո՞: Ի՞նչ կլինի, եթե Օբաման մնա ԱՄՆ-ի նախագահ երկրորդ անգամ: Ի՞սկ ինչ կլինի, եթե Ռոմնին դառնա նախագահ: Թե ինչ կլինի հետո, գերմանական թերթի վերլուծաբանները տեսնում են հետևյալ կերպ.

Երկու թեկնածուներն էլ սուր նախընտրական քարոզարշավ են վարել՝ միմյանց ուղղելով զանազան մեղադրանքներ: Նրանք իրենց նախընտրական արշավների ժամանակ ավելի շատ խոսում էին և քննադատում միմյանց, քան իրենց պլանները ներկայացնում:

Բարաք Օբամա: Ով նրան իդեալիստ էր համարում, իրեն հիասթափված պիտի զգա: Բարաք Օբաման անցյալ 4 տարիների ընթացքում դրսևորել է արտաքին պրագմատիկ և անվտանգությանն ուղղված քաղաքականություն: Նա հանդես եկավ «Արաբական գարնան» աջակցությամբ և պաշտպանեց ԱՄՆ-ի դաշնակից որոշ բռնապետերի: Իր կառավարման տարիներին նա պլանավորում էր արդեն 2014թ. դուրս բերել ամերիկյան զորքերը Աֆղանստանից: 2013թ. նա նախատեսում է պաշտպանական բյուջեն առաջիկա տաս տարիների համար կրճատել 500 մլրդ դոլարով, և ՆԱՏՕ-ի դաշնակիցները ստիպված են լինելու մեծացնել իրենց ներդրումները: Հետագայում, ըստ թերթի վերլուծաբանների, Օբաման կենտրոնանալու է ասիախաղաղօվկիանոսյան տարածաշրջանի վրա: Եթե Իրանը չմեղմացնի իր միջուկային նկրտումները, չնայած նրա նկատմամբ կիրառվող պատժամիջոցներին, և շարունակի միջուկային զենքի մշակումը, Օբաման ռազմական հարված կհասցնի: Ինչ վերաբերում է Գուանտանամոյին, Օբաման չի պատրաստվում այն փակել:

Նա նաև մեծացնելու է Ալ Քաիդայի դեմ պայքարը Պակիստանում և երկրագնդի այլ թեժ կետերում:

Միթ Ռոմնի: Իր նախընտրական քարոզարշավի ժամանակ Ռոմնին խիստ տոնով էր հանդես գալիս Ռուսաստանի դեմ՝ համարելով նրան աշխարհաքաղաքական համար մեկ թշնամի:

Չինաստա՞նը: Հնարավոր է առևտրական պատերազմ նրա դեմ, կարծում են փորձագետները:

Իրանի հարցում Օբամայի քաղաքականությունը չի հաջողվել, սակայն Ռոմնին մտադիր է այլ քաղաքականություն վարել: Ռոմնին 2014թ. ամերիկյան զորքերը դուրս կբերի Աֆղանստանից: Արաբական աշխարհում նա նույնպես հանդես է գալիս որպես պրագմատիկ քաղաքական գործիչ. ոչ մի անմիջական աջակցություն ԱՄՆ-ի միջոցով սիրիացի ապստամբներին, ինչպես նաև Իրանի դեմ, որտեղ նա այժմ աշխատում է պատժամիջոցների քաղաքականությամբ: Այսուհանդերձ, Ռոմնին նշում է կարմիր գիծը Իրանի համար, ինչն Օբաման նախկինում չի արել: Իրանում մոլլաների ռեժիմի կողմից նույնիսկ միջուկային զենք ունենալու հնարավոր, ենթադրական գոյության դեպքում Ռոմնին կօգտվեր այդ հնարավորությունից՝ ռազմական հարված հասցնելու համար:

Փորձագետները նշում են նաև, որ Ռոմնիի իշխանությունն ավելի քիչ է հակված դաշինքների, քանի որ այն իրենից ուժ է ենթադրում, համենայն դեպս նա ինքն իրեն այդպես ներկայացնում է: Նրա կառավարությունը չի պատրաստվում որևէ բան փոխել Գուանտանամոյի բանտային ռեժիմների համար:

Ռոմնին մտադիր է նաև վերականգնել Օբամայի կողմից կրճատված ռազմական բյուջեն: