Ե՞րբ կնշանակվի նախագահական ընտրությունների օրը

2013 թվականի նախագահական ընտրությունների անցկացման օրն այս պահի դրությամբ հայտնի չէ։ Այս մասին Lurer.com-ի հետ զրույցում ասաց ԿԸՀ մամլո խոսնակ Հերմինե Հարությունյանը։

Նշենք, որ ըստ Ընտրական օրենսգրքի՝ հանրապետության նախագահի ընտրությունն անցկացվում է հանրապետության նախագահի լիազորությունների ավարտից հիսուն օր առաջ:

Հանրապետության նախագահի ընտրության օրվա մասին հաղորդագրությամբ հանդես է գալիս կենտրոնական ընտրական հանձնաժողովի նախագահը քվեարկության օրվանից ոչ ուշ, քան 70 օր առաջ:

Հիշեցնենք, որ որոշ ժամանակ առաջ «Հայկական ժամանակ» օրաթերթը գրել էր, որ 2013 թվականի ՀՀ նախագահի ընտրությունները տեղի կունենան փետրվարի 18-ին՝ երկուշաբթի օրը: