Սիրիայի հարցով Արևմուտքի առաջարկած բանաձևը մեկ նպատակ ունի. Լավրով

Արևմտյան երկրները փորձում են հասնել Սիրիայի նկատմամբ ՄԱԿ-ի Անվտանգության խորհրդի կողմից բանաձևի ընդունման, որպեսզի դրա օգնությամբ պայմաններ ստեղծել երկրում իշխանափոխության համար. հայտարարել է Ռուսաստանի արտաքին գործերի նախարար Սերգեյ Լավրովը. հաղորդում է Интерфакс-ը։ Բանաձև, որի մասին խոսում են Արևմուտքում, «ծրագրվում է բացառապես մեկ նպատակով՝ սրել իրավիճակը և պայմաններ ստեղծել վարչակարգի փոփոխման համար»,-նշել է ՌԴ արտաքին գերատեսչության ղեկավարը Կահիրեում նոյեմբեր 4-ին կայացած մամլո ասուլիսի ժամանակ, որտեղ նա հանդիպում էր ՄԱԿ-ի և Արաբական լիգայի հատուկ ներկայացուցիչ Լախդար Բրահիմիի հետ։

Լավրովը նաև վստահություն է հայտնել առ այն, որ խաղաղ կարգավորման գործընթացի մեկնարկի համար «որևէ բանաձև հարկավոր չէ»։ «Պետք է հենց այն, ինչի մասին ես խոսել եմ, որպեսզի բոլորն ասեն Սիրիայում պատերազմողներին՝ վերջ տվե՛ք»,-ընդգծել է Լավրովը։ Նա նաև հիշեցրել է, որ Ռուսաստանը հետևողականորեն դիմում է պայքարող կողմերին՝ կոչ անելով երկխոսություն սկսել, մինչդեռ «ոմանք» կոչ են անում ապստամբներին բռնության սաստկացում՝ խոստանալով իշխանափոխություն Սիրիայում։

Հիշեցնենք, որ 2011 թվականի մարտ ամսից Սիրիայում շարունակվում են զինված բախումներն ապստամբների և Սիրիայի նախագահ Բաշար ալ Ասադի կողմնակիցների միջև։ Հակամարտության ընթացքում զոհվել է ավելի քան 30 հազար մարդ։

Արևմուտքի երկրները ՄԱԿ-ի Անվտանգության խորհրդին ներկայացրել են Սիրիայի հարցով մի քանի բանաձև, որոնցում Սիրիայում արնահեղության համար պատասխանատվությունը դրվում է Ասադի ռեժիմի վրա։ Ռուսաստանն ու Չինաստանը հետևողաբար կիրառում էին  վետոյի իրենց իրավունքն այս փաստաթղթերի վրա՝ մտավախություն ունենալով, որ նման բանաձևի ընդունումը հակամարտության համար արտաքին զինված միջամտության հնարավորություն կստեղծի։