Կարմիր խաչի աշխատակիցներին թույլ են տվել Հոմս մտնել

Միջազգային Կարմիր խաչի աշխատակիցներին առաջին անգամ այս ընթացքում թույլատրվել է հումանիտար օգնություն ցուցաբերել սիրիական Հոմս քաղաքի կենտրոնական մասի բնակիչներին: Այս մասին նոյեմբերի 4-ին հաղորդել է Agence France-Presse-ը:

Ինչպես պարզաբանում են Կարմիր խաչից, կազմակերպության կամավորներին ամիսներ անց հաջողվել է առաջին անգամ ներթափանցել Հին Քաղաքի ավերված շրջաններ: Նրանք սննդամթերք են հասցրել 1200 տեղաբնակների համար, ինչպես նաև 100 վիրավորների անհրաժեշտ դեղորայք մատակարարել:

Ինչպես նշվում է, Կարմիր խաչի աշխատակիցների՝ Հոմս ժամանելուն նախորդել է կառավարության ուժերի և ապստամբական խմբավորումների հետ լուրջ բանակցություններ, որոնք համաձայնվել են ապահովել Կարմիր խաչի աշխատակիցների անվտանգությունը: