Րաֆֆի Հովհաննիսյան. Միշտ էլ ֆինանսական խնդիրներ ունեցել ենք, քանի որ բիզնեսմեններ չունենք

«Ժառանգություն» կուսակցությունն իր համագումարը կանի դեկտեմբերի 15-ին։ Այս մասին այսօր լրագրողների հետ հանդիպմանը հայտարարեց «Ժառանգություն» կուսակցության առաջնորդ Րաֆֆի Հովհաննիսյանը։

Հովհաննիսյանը նշեց, որ ինքն առաջադրվելու է որպես նախագահի թեկնածու և այդ պայքարը տանելու է մինչև տրամաբանական ավարտ, իսկ տրամաբանական ավարտն ըստ նրա հաղթանակն է։

«Իսկ եթե դեկտեմբերի 15-ից հետո իրավիճակն այլ լինի, այդ դեպքում հարցը կդիտարկենք»,–ասաց Հովհաննիսյանը։

Անդրադառնալով նաև լրագրողներից մեկի այն հարցին, թե ճիշտ են լուրերը, որ Հովհաննիսյանը չի կարողանում գումար գտնել նախագահական ընտրությունների համար և փորձում է գումարը փնտրել երկու բևեռներում՝ ՀՀԿ–ում և ԲՀԿ–ում, Հովհաննիսյանը ծիծաղեց և ասաց, որ բոլորովին էլ նորություն չէ, որ «Ժառանգություն» կուսակցությունը ֆինանսական հարցեր լուծելիս միշտ էլ խնդիրներ է ունեցել, քանի որ իրենք բիզնեսմեններ չունեն։